İŞIĞIMIZI GÜRCÜLƏR SATMAQ ISTƏYIR
Rəqiblər çoxalıb, danışıqlar yenidən başlayacaq
MDB ölkələrinin yanacaq və energetika nazirlərinin toplantısında çıxış edən gürcü nazir David Mirsxulavanın dediyinə görə, rəsmi Tiflis Rusiya, Azərbaycan, Gürcüstan və Türkiyəni bir-birinə bağlayacaq sistemlərarası elektroenerji xətlərinin inşası layihəsini müzakirə edir.
Sözügedən layihə Gürcüstanın cənub rayonlarının ərazisindən Mirsxulavanın sözlərinə görə, inşasına hələ sovet dönəmində başlanmış xəttin tikintisinin başa çatdırılmasına uzağı iki il vaxt və 250-290 milyon dollar vəsait gərəkdir.
Moskva və Bakının bu layihəni dəstəklədiyini vurğulayan gürcü nazirin fikrincə, xəttin inşa olunduğu təqdirdə Rusiya və Azərbaycan hər il Türkiyəyə ilkin olaraq 2,5 milyard kVt-saat elekroenerji satmaq, sonra isə satış həcmini 500 milyon - 6 milyard kVt/saatadək artırmaq imkanı qazanacaq. Gürcüstanın toplam satış həcmindəki payı isə 1 milyard kVt/saat təşkil edə bilər.
Xətt barədə Türkiyə ilə müvafiq danışıqlar aparılıb Ankaranın razılığı alınsa da, türk elektroenerji sistemində aparılan islahatlardan sonra çoxsaylı rəqib şirkətlər peyda olub. Bundan dolayı danışıqlara yenidən başlamaq gərəkdir.
Həsən AĞACAN